متحدہ عرب امارات میں پھنسے پاکستانی محنت کشوں کی وطن واپسی،پی آئی اے کی پہلی خصوصی پرواز پاکستانیوں کو لیکر ملتان پہنچ گئی

  ملتان ۔ متحدہ عرب امارات میں پھنسے پاکستانی محنت کشوں کی وطن واپسی،پی آئی اے کی پہلی خصوصی پرواز پاکستانیوں کو لیکر ملتان پہنچ گئی،وطن واپسی کے انتظامات یو اے ای کی کاروباری شخصیت سہیل گلداری نے کئے،خلیج ٹائمز کے مالک سہیل گلداری نے 200 پاکستانیوں کو مفت ٹکٹس فراہم کئے تھے،معاون خصوصی برائے اوورسیز پاکستانیز زلفی بخاری نے سہیل گلداری سے اظہار تشکر کیا ۔زلفی بخاری نے کہاکہ پاکستانیوں کی واپسی کا وعدہ پورا کرنے پر سہیل گلداری کے شکر گزار ہیں۔زلفی بخاری نے کہاکہ کورونا کے مشکل ٹائم پر پاکستانی قوم کے ساتھ کھڑے ہونے پر خوشی ہے ۔ زلفی بخاری نے کہاکہ 200 پھنسے ہوئے ہم وطن آج رات تک پاکستان پہنچ جائیں گے۔ زلفی بخاری نے کہاکہ مزید ہم وطنوں کی واپسی کیلئے بھی اقدامات جاری ہیں۔