بنیادی انسانی حقوق سے مراد وہ حقوق ہے جو ریاست کی جانب سے انسان کو دیئے گئے
ہیں جن کے مطابق وہ اپنی زندگی گزارتا ہے اور اس کی خلاف ورزی کرنے سے بچتا ہے۔
انسانی حقوق کی خلاف ورزی کے نتیجہ میں ریاست میں اشتعال انگیزی پروان چڑھتی ہے
اور ایک ایسا معاشرہ وجود میں آتا ہے جس میں برداشت، اظہار رائے اور آزادی ختم ہو
جاتی ہے اور اگر انسان کو ظلم اور جبر پر مجبور نہ کیا جائے تو ایک فلاحی ریاست کا
قیام عمل میں آتا ہے۔
یونائیٹڈ نیشن نے اپنے چارٹر میں انسانی تشخص کے وقار اور مردوں ، عورتوں ،
بچوں اور بوڑھوں کے حقوق کی پاسداری پر زور دیا ہے جبکہ تمام رکن ممالک نے اقوام
متحدہ کے ساتھ تعاون کرتے ہوئے انسانی حقوق کی پامالی کی روک تھام اور انسانوں کو
ان کے بنیادی حقوق دینے کا عہد کیا ہے۔
Universal
Declaration of Human Rights
The Universal Declaration of Human Rights (UDHR) is a milestone document in
the history of human rights. Drafted by representatives with different legal
and cultural backgrounds from all regions of the world, the Declaration was
proclaimed by the United Nations General Assembly in Paris on 10 December 1948
(General Assembly resolution 217 A) as a common standard of
achievements for all peoples and all nations. It sets out, for the first time,
fundamental human rights to be universally protected and it has been translated into over 500 languages. The UDHR is widely
recognized as having inspired, and paved the way for, the adoption of more than
seventy human rights treaties, applied today on a permanent basis at global and
regional levels (all containing references to it in their preambles).
اقوام متحدہ کے اس عالمی اعلامیے کو
تمام رکن ممالک نے تمام قوموں کے لئے ایک مشترکہ کامیابی قرار دیا ہے۔ تمام ممالک
کی حکومتیں اپنے ملک میں رہنے والے تمام افراد کو تعلیم، صحت، کھیل کود کے مواقع،
روزگار، مذہبی آزادی، شخصی آزادی سمیت تمام مراعات دینے کی پابند ہیں۔ یہ تمام
مراعات کسی بھی ملک کی بنیادی ضروریات ہیں جو وہ اپنے ملک میں رہنےو الے افراد کو
دینے کی کوشش کرتی ہیں۔ ترقی یافتہ ممالک میں یہ شرح خوش آئند ہے لیکن اگر ترقی
پذیر ممالک کی بات کریں تو بہت سے ممالک ایسے ہیں جو اپنے شہریوں کو بنیادی
سہولتیں دینے سے قاصر ہیں۔ خصوصاً بالخصوص انڈیا، ایتھوپیا، فلسطین، عراق،
افغانستان اور ایسے بہت سے ممالک ہیں جہاں عام آدمی کی زندگی انتہائی اذیت ناک ہے اور
وہ دو وقت کا کھانا کھانے کو نہیں ملتا۔ انڈیا میں غربت کی شرح انتہائی بدترین سطح
پر پہنچ چکی ہے جبکہ بھارت کی حکومت اپنے شہریوں کو بنیادی سہولتیں فراہم کرنے کی
بجائے تمام تر توجہ اسلحہ کی تیاری پر دے رہی ہے۔ انڈیا میں غربت کی شرح 40 فیصد سے زیادہ ہوچکی
ہے اور کئی ریاستیں ایسی ہیں جہاں عورتیں اپنا جسم بیچ کر اپنے خاندان کی کفالت
کرتی ہیں۔
انسانی
حقوق کی تاریخ
1215 میں انگریز بادشاہوں نے
انگلینڈ کے بادشاہ کو میگنا کارٹا پر دستخط کرنے کا پابند بنایا۔ میگنا کارٹا وہ
پہلی دستاویز تھی جس نے بادشاہت کو ختم کر کے حکومت کو رعایا کے سامنے جوابدہ
بنایا اور شہریوں کے تحفظ کے لئے بنیادی حقوق بھی پیش کئے۔ 1776 میں امریکہ، 1789
میں فرانس اور بعد میں بہت سے ممالک نے انسانی حقوق کے بل پیش کئے جس میں شہریوں
کو بنیادی حقوق فراہم کرنے پر زور دیا گیا۔
ریاست
کی ذمہ داری
حکومتوں
کی ایک خاص ذمہ داری ہے کہ وہ اس بات کو یقینی بنائیں کہ لوگ اپنے حقوق سے لطف
اندوز ہوں اور ان کے لئے ایسے قوانین بنائے جائیں جس پر چل کر وہ اپنی زندگی بطریق
احسن گزار سکیں۔ تمام انسان آزاد پیدا
ہوئے ہیں اور انہیں پیدا ہوتے ہی وہ تمام حقوق حاصل ہوتے ہیں جو ایک صاحب حیثیت
فرد کو حاصل ہیں۔ دنیا میں پیدا ہونے والا ہر شخص بغیر کسی تفریق کے جیسے نسل،
رنگ، زبان، مذہب، سیاسی، امیری، غریبی وغیرہ سے آزاد ہے اور وہ تمام حقوق جو اس
ریاست نے اپنے شہریوں کے لئے بنائے ہیں، اس کو حاصل ہوتے ہیں اور وہ اس کے مطابق
اپنی زندگی گزار سکتا ہے۔
انسانی
حقوق کا تحفظ کس کے ذمہ ہے؟
ایک
شخص کی اپنے انسانی حقوق سے لطف اندوز ہونے کی صلاحیت دوسرے لوگوں پر منحصر ہے جو
ان حقوق کا احترام کرتے ہیں۔ معاشرے میں رہنےو الے تمام افراد کا فرض ہے کہ وہ ایک
دوسرے کے حقوق کا خیال رکھیں اور اس بات کو یقینی بنائیں کہ دوسروں کے حقوق کو
مدنظر رکھتے ہوئے اپنے حقوق کا استعمال کرنا ہے۔ مثال کے طور پر روڈز پر چلتی ہوئی
گاڑیاں اپنی اپنی سمت میں چل رہی ہیں لیکن اگر کوئی گاڑی غلط سمت میں چلنے لگ جائے
تو اس سے دوسرے افراد کو پریشانی کا سامنا کرنا پڑے گا اور خود غلط سمت میں گاڑی
چلانے والے کو بھی۔ایسے شخص کو اپنے عمل پر شرمندگی اور ریاست کی جانب سے بنائے
گئے قانون کے مطابق سزاسے بھی دوچار ہونا پڑے گا۔
انسانی حقوق کا تحفظ یقینی طور پر
ترقی کے اہم پہلوئوں میں سے ایک ہے۔ یہی حقوق انسان کو جینے کا سبق سکھاتے ہیں کہ
وہ اپنی زندگی کیسے گزار سکتا ہے۔ اگر یہ حقوق نہ ہوتے ہوئے معاشرے میں بگاڑ پیدا
رہتا اور ان حقوق پر عملدرآمد کے بغیر کوئی بھی معاشرہ ترقی نہیں کرسکتا تھا۔ انسانی
حقوق ایسے حقوق ہیں جس سے انسان شدید سیاسی قانونی اور سماجی تشدد سے بچ سکتا ہے۔
انسانی حقوق کی فراہمی میں عالمی اداروں کا کردار
انسانی
حقوق کی جانب سے اکثر کیے جانے والے دعوے ناقابل عمل ہیں اور ان میں شکوک و شبہات
پیدا ہونے کی وجہ سے عملدرآمد سے گریزاں ہیں۔ انسانی حقوق کی فراہمی کیلئے بہت سے
عالمی ادارے قائم ہیں جن میں سرفہرست یونائیٹڈ نیشن شامل ہے لیکن افسوس کے ساتھ یہ
بات کہی جاسکتی ہے کہ اقوام متحدہ اپنے ہی چارٹر پر عملدرآمد کروانے میں ناکام
دکھائی دیتا ہے۔ فلسطین میں انسانیت سوز اقدامات، برما میں قتل عام، کشمیر میں قتل
عام، خالصتان تحریک، عراق و افغانستان جیسے ممالک میں انسانی حقوق کی پامالیاں نظر
انداز نہیں کی جاسکتیں۔ طاقتور ممالک جیسے امریکہ، اسرائیل وغیرہ اقوام متحدہ کے
چارٹرکو اپنے نظریات کے مطابق ڈھال کر استعمال کرتے ہیں لہٰذا ضرورت اس امر کی ہے
کہ وہ اقوام متحدہ طاقتور ممالک کو بھی اپنے چارٹر پر عملدرآمد کا پابند کرے۔
